70
Mandarinas
Comunicación
QUE É 70 MANDARINAS?
As transformacións sociais, a revolución tecnolóxica e da información, e os cambios nos hábitos de consumo e na forma que temos de relacionarnos co mundo que nos rodea son algúns dos aspectos que guían o traballo de 70 Mandarinas Comunicación. Todos eses elementos inspiraron a nosa posta en marcha como empresa multidisciplinar capaz de abordar dun xeito diferenciado algo tan sinxelo, pero repleto de posibilidades, como é a acción de comunicar:
“Facer saber [certa cousa] a alguén” di a primeira acepción do diccionario na que tamén aparecen como sinónimos conceptos como anunciar, avisar, informar, revelar e transmitir.
No caso de 70 Mandarinas Comunicación estas ideas están moi presentes no noso día a día, pero o radio de acción vai máis aló como empresa xeradora tamén de novos contidos e formatos nos eidos audiovisual e cultural.
Para unha comunicación efectiva, o máis importante é contar con boas ideas. Se estás un pouco perdid@, axudámosche a atopar o camiño da creatividade.
Detrás dun novo produto hai unha mente creativa. Detrás dunha venda, unha estratexia elaborada. A tecnoloxía é unha gran aliada, pero non pode dominar á creatividade. Non permitas que che cegue o continente e pensa sempre no contido.
Acadar metas, conseguir os obxectivos propostos, ter unha boa estratexia… Son os ingredientes necesarios para obter un bo posicionamento de marca. Converterse nunha marca referente é unha carreira de fondo.
A orixinalidade marca a diferencia. Destacar como marca significa ofrecer algo diferente ao teu público tanto nos teus produtos coma na forma de comunicalos.
"Ninguén construíu nunca unha marca imitando a publicidade de outro."
Para fomentar a consecución dunha boa idea, hai que desfacer moitas outras antes. Ao mellor, a túa mellor idea é a primeira que tiveches, pero saberás que é así por comparación. O imporante é ser perseverante.
"A mellor forma de ter unha boa idea é tendo moitas ideas."
Os protagonistas da historia son os clientes. Son os consumidores directos do teu produto ou servizo e por iso, hai que coidalos e darlles o que mereceren.
"Converte ao cliente no heroe da súa historia"
Deseñamos estratexias e campañas de comunicación. Xestionamos redes sociais e creamos contido dixital.
Aplicamos o deseño a calquer ámbito. Creamos conceptos, marcas, cartelería, webs e todo o que precises.
Ofrecemos un servizo integral para facer realidade o teu evento. Contamos con experiencia en diferentes campos.
Encargámonos da captación e edición de imaxes de todo tipo: de eventos, fotografía 360º, para redes sociais e de producto.
Damos forma á túa idea. Encargámonos da escritura do guion, de todo o proceso de preprodución e rodaxe e da edición.
Ideamos campañas publicitarias a todos os niveis. Creamos mensaxes e conceptos creativos. Posicionamos a túa marca
